कान्छो खवर । आइतबार, आश्विन १३, २०८१
फाईल फोटो : फोक्सिङटार स्थित सुनकोशीको पुल
गाईघाट १३ असोज ।
बाढी पहिरोको कारण कोशी प्रदेशमा १४ जनाको मृत्यु भएको छ भने ८ जना बेपत्ता भएका छ्न । कोशी प्रदेश प्रहरी कार्यालय बिराटनगरले दिएको जानकारी अनुसार बाढी पहिरोमा परि १३ जना घाइते भएका छ्न ।
बिहिवार देखि परेको अविरल बर्षाको कारण इलाममा १ , पाचथरमा ५ , धनकुट्टामा २ , सोलुखुम्बुमा ५ र उदयपुरमा १ को मृत्यु भएको प्रहरीले जनाएको छ । उनिहरुको मृत्यु पहिरोले पुरिएर र खोलाले बगाएर भएको हो ।
बाढी पहिरो र बर्षाको कारण १ हजार २०७ पशुपङ्छि र ६४ वटा पशुचौपायाको मृत्यु भएको छ । भौतिक पुर्बधार तर्फ पक्की घर १९ व टा पुर्ण रूपमा भत्किएको र ५८ घरहरु आंशिक रूपमा क्षति पुगेको कोशी प्रदेश प्रहरी कार्यालयका प्रबक्ता एसएसपि भिमबहादुर दाहालले बताए ।
गाईघाट – दिक्तेल सडक अन्तरगत उदयपुर र खोटाङ जोड्ने फोक्सिङटार स्थित सुनकोशीको पुल समेत बाढीले बगाएको छ । उदयपुरको केहि ठाउहरुमा झोलुङ्गे पुलहरु समेतलाई बाढीले क्षतिग्रस्त बनाएको छ । दाहालले क्षतिको विवरण पुर्ण रूपमा आउन बाकी रहेको बताए । उनले आइतबार सम्म प्राप्त विवरण अनुसार बाढी पहिरोको क्षतिको विवरण सार्बजनिक गरिएको बताए ।
बिहिवार देखि परेको अविरल बर्षाको कारण प्रदेश भरि भएको क्षतिको विवरण अझै आउदै गरेको बताए ।
यहाँ कमेन्ट गर्नुहोस्