तीन फरार प्रतिवादी पक्राउ

गाईघाट १५ चैत ।
प्रहरीले बिहीबार तीन फरार प्रतिवादी पक्राउ गरेको छ।जिल्ला अदालत उदयपुरले विभिन्न मितिमा कैद सजाय र जरिवानाको फैसला गरेको फरार लागूऔषध र चेक अनादर मुद्दाका प्रतिवादीलाई पक्राउ गरेको प्रहरी नायब उपरीक्षक हरिनन्दन चौधरीले बताए ।लागूऔषध मुद्दामा १ महिना ८ दिन् कैद सजाय पाएका त्रियुगा नगरपालिका ११ साकेला टोलका माइला भन्ने ३७ बर्षिय राजकुमार राई र सोही मुद्दामा २ हजार जरिवानाको फैसला भएको त्रियुगा ६ का मनोज सदालाइ पक्राउ गरिएको उनले बताए।

त्यसैगरी चेक अनादर मुद्दामा अदालत बाट २ बर्ष कैद सजाय पाएका उदयपुरको ताप्लि गाउपालिका २ लाप्लि गाउका कासिराम श्रेष्ठलाई पक्राउ गरिएको प्रहरीले जनाएको छ ।पक्राउ परेका उनिहरुलाई फैसला कार्वान्बयनको लागि अदालतमा बुझाइएको एसपि रमेश थापाले बताए ।जिल्ला प्रहरी कार्यालय बाट खटिएका बिशेस प्रहरीको टोलिले उनिहरु लाई लुकेर बसेको बेला पक्राउ गरिएको प्रहरीले जनाएको छ।