कान्छो खवर । मंगलबार, भाद्र ३०, २०८३
गाईघाट ३० भदौ ।
खोटाङमा गोलि लागेर एक जनाको मृत्यु भएको छ ।बादर भगाउन हानेको गोली लागेर ५३ बर्षिय श्याम तामाङको मंगलबार दिउसो मृत्यु भएको हो ।
टाउकोमा गोलि लागेको उनको घटनास्थलमै मृत्यु भएको प्रहरीले जनाएको छ । दिक्तेल रुपाकोट मझुवागढी नगरपालिका ११ खार्कीस्थित जंगलमा दिउसो २.३० बजे उक्त घटना भएको प्रहरी निरीक्षक निराजन बस्नेतले बताए ।
गोलि हान्ने ५४ बर्षिय भलबहादुर तामाङलाई प्रहरीले घटनास्थलबाट भरुवा बन्दुक सहित पक्राउ गरेको छ । प्रहरीले दुबै जना बादर भगाउन जङ्गल गएको जनाएको छ । मृतकको शब पोस्टमार्टमको लागि अस्पतालमा राखिएको छ ।
घटनाको प्रहरीले अनुसन्धान सुरु गरेको जनाएको छ ।
यहाँ कमेन्ट गर्नुहोस्