कान्छो खवर । बिहिबार, आषाढ २६, २०८२
गाईघाट २६ असार ।
असार मसान्तसम्म उदयपुरमा ८ अरब बढी रकम भुक्तानी भएको छ ।असार मसान्तसम्म भित्रमा सरकारले खर्च निकासा गर्न पाउने कानुनी ब्यबस्था भएको हुदा बुधबार राति सम्म जिल्लामा ८ अरब २८ करोड ८० लाख ६ हजार २४ रुपैया खर्च भएको छ । यो रकम बिनियोजन रकमको ९२.९८ प्रतिशत हो ।
आर्थिक बर्ष २०८१/ ८२ को लागि जिल्लामा ८ अरब ९१ करोड ३७ लाख २९ हजार ७ सय ९ रुपैया बिनियोजन भएकोमा चालू तर्फ ७ अरब ८१ करोड २२ लाख ४३ हजार ८ सय १५ रुपैया र पुजिगत तर्फ १ अरब १० करोड १४ लाख ८५ हजार ८ सय ९४ रुपैया रहेकोे कोष तथा लेखा नियन्त्रण कार्यालय उदयपुरका सूचना अधिकारी बिकास भट्टराईले बताए ।
बिनियोजित रकम मध्य चालू तर्फ ७ अरब ३४ करोड ६४ लाख ७९ हजार ४ सय २१ र पुजिगत तर्फ ९४ करोड १५ लाख ३६ हजार ६ सय ३ रुपैया खर्च भएको उनले बताए ।
असारको २५ गते राति १२ बजे पछी एआई बेस हुने भएकोले राति १२ बजे देखि अटोमेटिक रूपमा लक हुने भएकोले आर्थिक कारोबार पुर्ण रूपमा बन्द हुने भट्टराईले बताए ।
यहाँ कमेन्ट गर्नुहोस्