कान्छो खवर । बिहिबार, फाल्गुण २२, २०८१
गाईघाट २२ फागुन ।
पुरानो मेसिन मर्मत सम्भार गरि उद्योग सन्चालन गर्ने सर्तमा अर्थ मन्त्रालयले दिएको १६ करोड ऋण रकम मध्य झन्डै ५ करोड उदयपुर सिमेन्ट उद्योगले पुरानो बाकी दायित्व भुक्तानीमा खर्च गरेर ऋणको दुरुपयोग गरेको छ ।
उद्योग सन्चालन गर्न पैसा अभाव भए पछी अर्थले ११ बुदे सर्त सहित उदयपुर सिमेन्टलाई बार्षिक ७ प्रतिशत ब्याजमा १० बर्ष भित्र सावाँ ब्याज सहित तिर्नुपर्ने सर्त राखेर १६ करोड रुपैया ऋण लगानी गरेको थियो ।
अर्थले पुरानो मेसिन मर्मत सम्भार गर्नुपर्ने र आबश्यक नंया मेसिन खरिद बाहेक अन्य शिर्षकमा ऋण रकम खर्च गर्न नपाइने गरि सर्त राखेर लगानी गरेको थियो ।तर उद्योग ब्यबस्थापनले आफूलाई फाइदा हुने किसिमले सामान आपूर्तिकर्ताहरुलाई ५ करोड पुरानो बाकी बक्यौता रकम भुक्तानी गरेर ऋणको चरम दुरुपयोग गरेको छ ।
पुरानो दायित्व रकम भुक्तानी गर्दा कमिसन बापत मोटो रकम हात लाग्ने भएकोले आपूर्तिकर्तालाई हतार हतार रकम भुक्तानी गरिएको उद्योगका कर्मचारीहरु बताउँछन् ।हामीले त्यसो नगर्न , बरु उद्योग चलाएर पुरानो दायित्व तिर्न सल्लाह दिदा समेत हाम्रो कुरा सुनुवाइ भएन ।उद्योगका एक कर्मचारीले भने ।
ऋण लिएको रकम मध्य ५ करोड त त्यतिकै सकियो , अब अरु रकम धेरै पार्टीहरुलाई भुक्तानी दिदै सकिने होला ।ती कर्मचारीले भने ।उनले पैसा आएको यतिका दिन हुदा समेत उद्योग सन्चालनमा आउन नसकेको बताए ।
रौता सर्भिसेज प्रालिलाई ९६ लाख , कोइला र अन्य आपूर्तिकर्ताहरुलाई गरि झन्डै ५ करोड भुक्तानी भएको उद्योग सन्चालक समितिका सदस्य लिलबहादुर बस्नेतले बताए ।
हामीलाई थाहा नदिकनै निमित्त महाप्रबन्धकले भुक्तानी गरेका रहेछ्न ।बस्नेतले भने ।अब हामी पहिले उद्योग सन्चालन गर्ने तर्फ लाग्ने छौं ।उनले भने । अहिले काठमाडौमा बोर्ड बैंकक बसिरहेका छौं र अब उद्योग सन्चालन गरे पछी मात्र पुरानो दायित्व रकम भुक्तानी गर्ने उनले बताए ।
कोइला खरिदको लागि आपूर्तिकर्तालाई रकम भुक्तानी गरिएको भए पनि आपूर्तिकर्ताले अझै कोइला आपूर्ति नगर्दा उद्योग सन्चालन हुन सकेको छैन ।
उद्योगका पुर्ब अध्यक्ष केशव बस्नेतले उद्योगका ब्यबस्थापनले उद्योग सन्चालन गर्ने तर्फ ध्यान नदिएको बताए । ऋण रकम पुरानो बक्यौता तिर्दैमा सकिने भए पछी अब उद्योग सन्चालन गर्न कठिन हुने उनले बताए ।
यहाँ कमेन्ट गर्नुहोस्