कान्छो खवर । मंगलबार, आश्विन १५, २०८१
गाईघाट १५ असोज ।
भारतबाट भन्सार छलेर ल्याउदै गरेको अबस्थामा पक्राउ गरिएको अबैध सामानलाई बेवारिसे बनाउदै प्रहरीले ट्रक र चालकलाई छाडेको छ ।
सनिवार दिउसो गाईघाट – कदमाहा सडक खण्डको त्रियुगा नगरपालिका ६ जलजले ढाट नजिकै प्रहरीले ११.३० बजे पक्राउ गरेको प्र २-०२-००१ ख ०११८ नम्बरको ट्रकलाई नियन्त्रणमा लिएको थियोे । उक्त गाडीमा भन्सार छलि गरेर ल्याएको ४९ बोरा चिनी ,५० केजी दरको ६ बोरा मटर दाना ,१ बोरा सुर्ती ,१ बोरा बिडि १ बोरा अङुरी पराग ,१३ बोरा खुदि , जीरा ७ बोरा र ३० बोरा भुजा बरामद गरिएको थियोे ।
प्रहरीले आर्थिक चलखेल गरेर गाडी र चालकलाई छोडिदिएर बरामद गरिएको सामानलाई बेवारिसे अबस्थामा भेटिएको उल्लेख गरेको छ। प्रहरीले विशेष सूचनाको आधारमा गाडी नियन्त्रणमा लिएको थियोे । जलजले चौकी इन्चार्ज घनश्याम पोख्रेलको टोलिले सामान नियन्त्रणमा लिएको थियोे ।
तर पक्राउ गरिएको केहि समयमा नै गाडी र चालकलाई छडिएर सामानलाई बेवारिसे अबस्थामा बरामद भएको भन्दै प्रहरीले सूचना प्रबाह गरेको थियोे । लहान बजारका ब्यापारी सुदन यादवको उक्त सामान प्रहरीले आर्थिक चलखेल गरेर चालक र गाडीलाई छाडेको ब्यापारीहरुको भनाइ छ । ब्यापारी यादवले झन्डै ५ लाख प्रहरीलाई बुझाएर गाडी र चालक छुटाएको ति ब्यापारीले नाम उल्लेख नगरिदिने शर्तमा बताए ।
प्रहरीले पैदल गस्तीको क्रममा जलजले ढाटबाट पक्राउ गरेको भनेको छ तर , प्रहरीले सरासर झुठो बोलेको ति ब्यापारीले बताए । जलजले चौकीका इन्चार्ज असई घनश्याम पोख्रेलले आफु नभएको बेला प्रहरी हवलदारको टोलिले सामान बेवारिसे अबस्थामा बरामद गरेको बताए ।
उनले गाडी र चालकको विशेषमा केहि थाहा नभएको बताए । जिल्ला प्रहरी कार्यालय उदयपुरका एसपि हरिहर नाथ योगीले पक्राउ गरिएको गाडी र चालकलाई कानुन सम्मत तरीकाले छोडिएको बताए । उनले बिल नभएको सामानको हकमा सेतुबन्धु भन्सार कार्यालय कोशी ब्यारेज सुनसरीमा पठाइएको र बिल भएको सामान ब्यापारीलाई फिर्ता दिएको बताए । एसपि योगीले कुनै अनुचित लाभ लिएर गाडी नछोडिएको बताए ।
यहाँ कमेन्ट गर्नुहोस्