कान्छो खवर । बिहिबार, भाद्र ०६, २०८१
गाईघाट ६ भदौ ।
कटारी बजारमा एक पुरुषको शब बेवारिसे अबस्थामा फेला परेको छ।बुधबार बिहान कटारी नगरपालिका ३ राजाबासस्थित फोहर बिसर्जन स्थलमा ताप्लि गाउपालिका स्थायि घर भएका बर्ष ५० का कृष्णबहादुर दमाईको शब फेला परेको प्रहरीले जनाएको छ।
बेवारिसे अबस्थामा रहेको उक्त शबको मृतक दमाईका नाति पर्ने कटारीमै बस्ने मिनबहादुर परीयारले पहिचान गरेको ईलाका प्रहरी कार्यालय कटारीका प्रहरी नायब उपरीक्षक सुभाष राईले बताए ।
मृतक दमाई बजारमा कवाडी र प्लास्टिकका फोहोर संङ्कलन गरि बिक्रीवितरण गर्ने काममा सङ्लग्न रहेको खुल्न आएको छ ।बिगत १० बर्ष देखि उनि घर छोडेर कटारी र काठमाडौ बस्ने गरेका थिए ।उनि केहि दिन अघि मात्र काठमाडौ देखि कटारी आएका थिए ।
अध्याधिक मात्रामा मदिरा सेबन गर्ने दमाइको रक्सी कै कारण मृत्यु भएको अनुमान गरिएको छ ।तर मृत्युको कारण नखुलेको प्रहरीले जनाएको छ ।शब पोस्टमार्टमकोलागि कटारी अस्पतालमा राखिएको छ।
यहाँ कमेन्ट गर्नुहोस्