कान्छो खवर । सोमबार, भाद्र ०३, २०८१
गाईघाट ३ भदौ ।
कोशी पूलबाट नदिमा हामफालेर एक युवक बेपत्ता भएका छ्न ।सोमबार दिउँसो ४.३० बजेको समयमा उदयपुर र सुनसरीको सिमा चतरास्थित सप्तकोशीमा एक युवक पूलबाट हामफालेको प्रहरीले जनाएको छ ।
कोशीमा घुम्न आउनेले युवकले नदिमा हाम्फालेको देखेर प्रहरीलाई खबर गरेका थिए ।अन्दाजी २०/ २५ बर्षका ति युवकको को ९ प ९८६५ नम्बरको स्कुटर र उनको मोबाइल फोन समेत कोशी पूलमा फेला परेको प्रहरी चौकी चतराका सई परशु बिष्टले बताए ।
उनले प्रयोग गरेको फोनबाट ति युवक धरानको भएको तर नाम भने नखुलेको उनले बताए । युवकले किन कोशीमा हाम्फालेको भन्ने बारे केहि खुलेको छैन । युवक कोशीमा बेपत्ता भएको र खोजी कार्य भैरहेको उनले बताए ।
यहाँ कमेन्ट गर्नुहोस्