कान्छो खवर । आइतबार, भाद्र ०२, २०८१
मृतक शिक्षिका कार्की
गाईघाट २ भदौ ।
गाईघाट – कदमाहा सडक खण्डको चुरे जंगलमा आइतबार दिउसो भएको सवारी दुर्घटना परी एक महिलाको मृत्यु भएको छ ।गाईघाट देखि लहान तर्फ जादै गरेको ना१ ज ६२७९ नम्बरको विङगर गाडी चुरे मन्दिर देखि केही परको घुम्ती देखि झन्डै २० फिट तल खस्दा त्रियुगा नगरपालिका ३ की ५० बर्षिया गीता कार्कीको घटनास्थल मै मृत्यु भएको प्रहरीले जनाएको छ । दुर्घटनामा १९ जना घाइते भएकोमा ३ जनालाई बिराटनगर रेफर गरिएको छ भने २ जना उपचार पछि घर फर्किएका छ्न अन्य १४ जनाको जिल्ला अस्पताल गाईघाटमा उपचार भैरहेको छ ।
तीब्र गतिमा जादै गरेको उक्त गाडी सडक बीचमा रहेकोे ढुङ्गा कटाएर अघि बढाएर लाने क्रममा चालकले गाडी नियन्त्रण गर्न नसक्दा सडक देखि पश्चिम् तर्फको खोल्सोमा झरेको ट्राफिक प्रहरी हवलदार शम्भु थापाले बताए ।
मृतक कार्की शिक्षक रहेको खुल्न आएको छ। उनी समाजसेबि केन्द्र राउतको श्रीमती रहेको त्रियुगा नगरपालिका ३ का वडाअध्यक्ष तिलक कटुवालले बताए । गाडीका चालक समेत घाइते रहेकोले दुर्घटनाको कारण खुल्न नसकेको प्रहरीले जनाएको छ ।
यहाँ कमेन्ट गर्नुहोस्