खोटाङमा पहिरोले पुरिएर एक शिक्षिकाको मृत्यु

गाईघाट ३१ साउन ।

खोटाङमा पहिरोले पुरिएर एक शिक्षिकाको मृत्यु भएको छ। बिध्यालय तर्फ जादै गरेको बेला बिहिवार बिहान १० बजेको समयमा राबाबेसी गाउपालिका ३ नम्बर वडाकार्यालय छेउको बाटोमा माथी देखि झरेको पहिरोले पुरिएर लामिडाडास्थित बिश्वजोति उच्च माबिकी शिक्षिका ५७ बर्षिया साबित्रादेबी नेवारको घटनास्थल मै मृत्यु भएको प्रहरीले जनाएको छ।

राति परेको पानीको कारण बाटो देखि झन्डै ३० फिट माथि देखि पहिरो खसेको प्रहरीले जनाएको छ ।बिध्यालय पठाउन जाने क्रममा उक्त घटना भए पछी बिध्यालय बन्द गरिएको छ। मृतकको शब पोस्टमार्टमको लागि जिल्ला अस्पताल दिक्तेलमा राखिएको छ ।घटनाको अनुसन्धान भैरहेको प्रहरी नायब उपरीक्षक पुरुषोत्तम खड्काले बताए ।