कान्छो खवर । आइतबार, भाद्र ०८, २०८२
गाईघाट ८ भदौ ।
सुमो गाडीको ठक्करबाट गम्भीररूपमा घाइते भएका मोटरसाइकल चालकको उपचारको क्रममा सनिवार राति मृत्यु भएको छ ।
गत साउन ३० गते चौदण्डिगढी नगरपालिका ६ द्वारखोलाको पुलस्थित मदन भण्डारी लोकमार्गमा दिउसो ५.३० बजे भएको उक्त दुर्घटनामा गम्भीर घाइते मोटरसाइकल चालक धनुषाधाम नगरपालिका ८ का ४८ बर्षिय बिनोद लामाको सनिवार राति ११.३० बजे बिराटनगरस्थित नोबेल अस्पतालमा मृत्यु भएको प्रहरीले जनाएको छ ।
मोटरसाइकल पछाडि बस्ने सोही ठाउका ४५ बर्षिय सिफल सदा घाइते भएकोमा उनको अस्पतालमा उपचार भैरहेको छ ।
धनुषादेखि धरान जादै गरेका लामा सवार प्र २-०२-००३पको मोटरसाइकललाई इटहरीदेखि गाईघाट आउदै गरेको को १ च ८७९९ नम्बरको सुमो गाडीले ठक्कर दिएको प्रहरीले जनाएको छ ।ठक्कर दिने गाडीका चालक ३६ बर्षिय प्रेम कार्कीलाई नियन्त्रणमा लिएर अनुसन्धान भैरहेको प्रहरीले जनाएको छ ।
यहाँ कमेन्ट गर्नुहोस्