कान्छो खवर । आइतबार, जेठ ०३, २०८३
गाईघाट ३ जेष्ठ ।
फोक्सिङटारस्थिती सुनकोसीमा अस्थायी रूपमा जडान गरिएको बेलिबृज आइतबार देखि खोल्न सुरु गरिएको छ । बर्षाको कारण कोसीमा पानीको बहाब बढे संगै नदिबाट बेलिबृज खोल्न सुरु गरिएको हो ।
सगरमाथा लोकमार्ग अन्तरगत दिक्त्तेल – गाईघाट सडक खण्डको फोक्सिङटार स्थित कोशीमा गत मंसिरमा बेलिबृज जडान गरिएको हो ।हिउँदमा जडान गरिने र बर्षाको समयमा बेलिबृज खोलिने गरिन्छ ।
सुनकोशीमा पुल निर्माण गरिनु अघि उदयपुर संग सिधा यातायात सन्चालनकोलागि कोसीमा बेलिबृज निर्माण गरिदै आएको थियोे । पुल निर्माण पछि भने बेलिबृज जडान रोकिएको थियोे । तर २०८१ असोजमा कोशीमा आएको भीषण बाढीले सुनकोसीको मोटरेबल पुल बगाए पछी गत बर्ष नदिमा बेलिबृज जडान गरिएको हो ।
बेलिबृज खोल्न सुर भए पछी अब केहि दिन पछि उदयपुर र खोटाङको सिधा यातायात सेवा बन्द हुने छ । बेलिबृज खोल्नु अघि गाईघाट – दिक्त्तेल सडक योजना कार्यालयले सार्वजनिक सूचना जारी गरेर स्थानिय बासिन्दालाई जानकारी गराएको इन्जिनियर नारायण कार्कीले बताए ।
भ्याट सहित ९६ लाख ७७ हजार ९३७ रुपैयाको लागतमा एमए – एस आर्यन मल्टीपर्पोज कटारीले बेलिबृज जडान गर्ने र खोल्ने कामको जिम्मा पाएको इन्जिनियर कार्कीले बताए ।
यहाँ कमेन्ट गर्नुहोस्