कान्छो खबर शनिबार, बैशाख २७, २०८२
गाईघाट २७ बैशाख ।
जिल्ला प्रहरी कार्यालय उदयपुरमा कार्यरत प्रहरी सहायक निरीक्षक बिरोध खतिवडाको सनिवार दिउसो सवारी दुर्घटनामा परी मृत्यु भएको छ ।
सुनसरीको दुहबी नगरपालिका ३ पुटानी चौकमा उनी चढेको प्र २-०१च ०२५१ नम्बरको पिकअप भ्यान दिउसो ११.५० बजे आफै अनियंत्रित हुदा गम्भीर रूपमा घाइते भएका उनको उपचारको क्रममा मृत्यु भएको प्रहरीले जनाएको छ । दुर्घटनामा गाडीका चालक सुरेश कार्कीकि छोरी १४ बर्षिया रोजिना घाइते भएकी छिन ।उनको बिराट नर्सिङ अस्पतालमा उपचार भैरहेको छ ।
दाउरा बोकेको उक्त पिकअप भ्यान इटहरी -बिराटनगर सडक खण्डमा उत्तर देखि दक्षिण तर्फ जादै गरेको बेला आफै अनियंत्रित भै सडक क्षेउको फलामे बारमा ठोक्किदा खतिवडा गम्भीर रूपमा घाइते भएको प्रहरीले जनाएको छ ।
मृतक खतिवडा त्रियुगा नगरपालिका ८ राजाबासका थिए ।उनको मृत्युको खबर सुनेर अहिले उनको गाउँ शोकमग्न बनेको छ ।
यहाँ कमेन्ट गर्नुहोस्