कान्छो खवर । शनिबार, पुष २६, २०८२
गाईघाट २६ पौष ।
सुनकोसीमा बेलिब्रीज जडान पछि आइतबार देखि गाईघाट – दिक्त्तेल सिधा यातायात सेवा सुचारु हुने भएको छ ।
खोटाङको खोटेहाङ गाउपालिका ९ लिच्कीराम्चे र उदयपुरको रौतामाई गाउपालिका ६ आपटार जोड्ने सुनकोशीको पक्की पुल गत असोज १२ गते आएको बाढीले बगाए पछी अबरुद्ध भएको दुई जिल्लाको सिधा यातायात बेलिब्रीज जडान भए संगै भोलि देखि सुचारू हुने भएको हो ।
दित्तेल – गाईघाट सडक योजना कार्यालयका योजना प्रमुख दिपेश रजकले आइतबार देखि दुई जिल्ला बीच सिधा यातायात सेवा सुचारू हुने बताए । बेलिब्रीज जडानको सबै काम पुरा भएकोले भोलि देखि यातायात सुचारु हुने उनले बताए ।
कुनै औपचारिक कार्यक्रम नगरी सिधै यातायात खुला हुने उनले बताए ।बेलिब्रीज जडान सकिएकोले यातायात संचालन भोलि देखि खुला गरिने उनले बताए ।
एमएस आर्यन कन्ट्रक्सन मल्टी पर्पोज कटारी ३ले ९६ लाख ७७ हजार ९३७ रुपैयाको लागतमा निर्माण गरेको बेलिब्रीज ५० मिटर लामो रहेको आयोजना कार्यालयले जनाएको छ ।
यहाँ कमेन्ट गर्नुहोस्