कान्छो खवर । बिहिबार, चैत्र ०१, २०८०
गाईघाट १ चैत ।
उदयपुरको मैनामैनिमा बिहिवार बिहान भएको जीप दुर्घटनामा परी ८ जनाको मृत्यु भएको छ ।अन्य ९ जना घाइते भएका छ्न ।
सुनसरीको इटहरी देखि भोजपुरको घोडेटार तर्फ जादै गरेको को.१ ज २५९३ नम्बरको बोलेरो गाडी उदयपुरको बेलका नगरपालिका ७ मैनामैनी चुहार स्थित कच्ची सडक देखि झन्डै ४ सय मिटर तल खस्दा चालक सहित ७ जनाको घटनास्थलमा र एक जनाको उपचारको क्रममा धरान स्थित बिपि कोइराला स्वास्थ बिज्ञान प्रतिस्ठानमा मृत्यु भएको प्रहरीले जनाएको छ ।
मृत्यु हुनेहरुमा इटहरी उपमहानगरपालिका १६ का ४२ बर्षिय गाडीका चालक मान बहादुर बस्नेत , भोजपुर हतुवागढि गाउपालिका २ की बर्ष ७० की पर्बतमाया राई, सोहि वडाका बर्ष २३ का चन्द्र प्रकाश राई , उनका ६ महिने शिशु डिसाङ , हतुवागढि ९ का पदम बहादुर थापा , वडा न ५ कि ३० बर्षिया रामकुमारी राई , इटहरीका बर्ष ४० का कमल अधिकारी र हतुवा ५ का किसान राई रहेका छ्न ।किसानको उपचारको क्रममा बिपिमा र अरु सबैको घटनास्थलमा मृत्यु भएको जिल्ला प्रहरी कार्यालय उदयपुरका प्रहरी नायब उपरीक्षक हरिनन्दन चौधरीले बताए ।दुर्घटना घाइते हुने बर्ष ३७ का विशेष पराजुली , बर्ष २० कि मितु राई ,बर्ष ३६ कि साबित्रा राई ,बर्ष ३४ कि गायत्री कटुवाल , बर्ष ३२ कि शान्ति राई , बर्ष २५ कि रमा थापा ,बर्ष १७ का सुनिल परियार र बर्ष ३५ कि सबिना परियारको बिपिमा उपचार भैरहेको छ ।
दुर्घटनामा मृत्यु हुने सबैको शब गाडीमा च्यापिएको अबस्थामा फेला परेको थियो । दुर्घटना भए लगत्तै स्थानिय बासिन्दा उद्धारमा जुटेका थिए । गाउलेहरुले तत्काल घाइतेलाइ तल खोझ बाट माथी ल्याएर उपचारको लागि अस्पताल लगेका थिए ।गाडीमा च्यापिएका शब प्रहरी घटनास्थल पुगेर अबेर सम्ममा निकालेका थिए ।
क्षमता भन्दा बढी यात्रु बोकेकोले गाडी ओरालोमा ब्रेक फेल भै माथि देखि भिरमा झरेको अनुमान गरिएको छ ।प्रहरीले दुर्घटनाको अनुसन्धान सुरु गरेको जनाएको छ ।
यहाँ कमेन्ट गर्नुहोस्